Davao City – Pasakaan og kasong attemped homecide ang lalaking midunggab sa iyang ig-agaw nga babae sa Block 64, Barangay. 21-C Poblacion, siyudad sa Davao.
Subay sa spot report sa kapolisan Sta Ana Pnp ang biktima nailang Ross Margate, 24 anyos, promodiser sa usa ka mall ning dakbayan, samtang ang suspetsado mao si Louie Margate, 43 anyos, pareho nagpuyo sa nasampit nga lugar.
Matud pa mireklamo ang biktima sa suspek kabahin sa iyang cellular phone nga nawala human niya kining gibilin nga nakacharge sa ilang balay apan kalit nga nasuko ang si Louie ug mikuha og kutsilyo dayon dunggab tumong sa tiyan sa biktima apan nakalikay kini ug wala maigo.
Ang suspek daling gisikop sa mga barangay tanod sa ilang barangay ug giturn- over sa kapolisan sa Sta Ana. Gikustodiya usab sa kapolisan ang kutsilyo nga dunay trise (13) pulgadas, ang gitas-on isip ebidensiya.
RadyoMaN Don Pulayao
