Davao City – Priso ang usa ka promo merchandiser human giingong nadakpan nga nangawat sulod sa usa ka mall sa Tagum City alas-10:30 sa gabii niadtong Marso 3, 2026.
Sa report sa Tagum City Police Station, usa ka security guard ang miindorso sa suspetsado nga giila lang sa alyas “Anton”, 23-anyos, ulitawo, ug residente sa Mawab, Davao de Oro, diin giingong nadakpan atol sa regular nga body frisk sa employees’ frisking area sa mall.
Dugang pa, usa ka itom nga T-shirt nga nagkantidad og ₱699.00 ang narekober gikan sa iyang posesyon, diin gisulayan kining ipagawas sa establisemento nga wala mabayri.
Sa pagkakaron, anaa siya sa kustodiya sa kapulisan alang sa hustong disposisyon ug pagproseso sa kaso.
RadyoMaN Kareen Beltran
Facebook Comments
