Davao City – Ang kakulang sa inpormasyon kung unsa ka mahinungdanon ang kinaiyahan maoy hinungdan kung nganong magpataka ug labay sa iyang basura ang mga tawo.
Sumala ni City Environment and Natural Resources Office (CENRO) garbage collectors head Samuel Baron, usa sa hinungdang kung nganong nagkadaghan ang basura tungod sa nagkadako nga papolasyon sa syudad sa Davao.
Tungod niini, ang ilang buhatan matud ni Baron, nagapahigayon og mga seminars kabahin sa ensaktong paglabay sa mga basura sa mga barangay matag Sabado ilabina sa mga coastal barangays sa syudad.
Ang hepe sa CENRO garbage collectors nanawagan sa mga tawo ilabina sa mga nagpuyo sa daplin sa kasapaan ug kadagatan nga motabang pinaagi sa pagbadlong ug pagtudlo sa mga tawo nga dili magpataka ug labay sa ilang mga basura. Giawhag usab niya ang mga barangay officials nga ipasabot sa ilang mga tagi-barangay ang kabahin sa waste segregation and management.
RayoMaN Bernard Pantallon
