ILOILO – Wala sang nagapamatok sa ginaduso nga saka sa sweldo sa region 6 matapos ang duha sa apat ka mga public consultations sang Regional Tripartite Wages and Productivity Board (RTWPB).
Subong man may magkatuhay nga position ang mga nagtambong sa hearings sa Aklan kag Capiz sadtong Abril sa balor sang dapat ipasaka sa sweldo.
Suno kay RTWPB Chairman Johnson Cañete sa petition sang Philippine Agricultural, Commercial and Industrial Workers Union – Trade Union Congress of the Philippines (PACIWU-TUCP) ginaduso nila ang P150 nga saka sa sweldo sang mga establishments nga may pulo ka empliyado pataas, P140 sa agriculture plantation kag P130 sa mga establishments nga may manubo sa pulo ka empliyado.
Hiwaton ang masunod nga hearing sa may 8 sa syudad sang Iloilo kag mayo 10 sa syudad sang Bacolod.
Marso 16 sang nag-expire na ang wage order no. RBVI-23 nga ginpaggwa sang nagligad nga tuig.
Magadepende naman sa kadasigon sang pagresolbar sang mga position papers ang pagpaggwa sang desisyon sang RTWPB.
Photo from web
