Roxas City, Capiz – Ginahatagan sang sang napulo(10) ka adlaw sang Office of the City Prosecutor sa syudad sang Roxas kag syudad sang Iloilo ang CEO sang 25- days double your money investment scheme nga si Junelyn Gregorio y Obamos nga magsumiter sang counter affidavit angut sa ginapangatubang sini nga kaso nga syndicated estafa kontra sa iya kag sa mga kaupdanan sini.
Ini ang nangin mosyon sang kampo ni Obamos kag mga kaupdanan sini sang ginpatigayun ang inquest proceedings sa Iloilo City Prosecutors Office sang nakaligad nga Marso 4, 2021.
Sa matandaan, nadakpan si Obamus sang nakaligad nga Marso 3 pinaagi sa entrapment operation nga ginkasa sang mga katapo sang National Bureau of Investigation (NBI)- 6 sa isa ka apartment sa Molo, Iloilo City.
Kalakip man sa nadakpan ang kaupdanan sini nga nakilala kanday Grace Inchon, Jessie Barriatos, Arnel Barana Gemoto, kag Pio Castillanes nga gina-alegar bodyguard ni Junelyn Gregorio Obamos.
