Protocol sang probinsya sang Negros Occidental sa pagpanubo sang kaso sang COVID-19 nangin epektibo

11

Nangin epektibo ang ginpatuman nga protocol sang provincial government sang Negros Occidental sa bahin sang mga pasahero sang eroplano kag barko nga nag-abot sa airport kag seaport sang probinsya.

Suno kay Provincial Incident Management Team on COVID-19 Head, Dr. Zeaphard Caelian nga ang pag-require sa mga pasahero nga magpa-swab test kag dal-on sa facility quarantine tubtub mag-gwa ang resulta ang nangin epektibo sa pagtapana nga maglapta ang virus.


Pahayag pa ni Caelian nga may mga swab booth ang probinsya nga ginbutang sa Bacolod Silay Airport kag Bredco Port kon diin gina-swab ang mga naga-abot kag ginadala sa mga quarantine facility tubtub wala pa sang resulta.

Na-obserbahan nga sa mga pasahero nga gina swab test, diutay na lang ang naga positive sa resulta kag kalabanan mga negative na.

Bangod sa signipikante nga pagnubo sang kaso sang covid 19 sa probinsya (64 as of February 17) may diutay na nga pag-halog sa ginapatuman nga health protocols.

Ang Negros Occidental nagapabilin sa Modifiied General Community Quarantine (MGCQ) tubtub sa February 28.




[image: image.png]

Facebook Comments