ILOILO – Ginlunsar sang Ilonggo business community ang ‘Proud to be Ilonggo’ campaign sang mga Ilonggo Businessmen.
Ini bilang sabat kag isa ka pamaagi sa pagbatak sa imahe sang Iloilo nga gindagtaan ni Presidente Rodrigo Duterte paagi sa pagtag bilang ‘shabulized’ sa lugar kag sa paglabel sini nga ang Iloilo ‘bedrock of illegal drugs.’
Suno sa Ilonggo businessmen, ginhimo snag presidente ang pahayag nga wala ginvalidate ang impormasyon.
Suno sa ila, sa nakalipas nga dekada, indi manegar ang padayon nga pag-umwad sang Iloilo. Pamatuod diri ang mga multi-billion investments gikan sa multi-national corporations lakip na ang mga pagsulputan sang mga dalagko nga infrasrtucture projects sa bulig man sang national government.
Suno kay Iloilo Economic and Development Foundation, Inc. (ILED) presidente Jocclyn Jalandoni-Perez, ang pagbutang sa Iloilo sa spotlight nagabutang man sa mga dalagko nga proyekto sa alang-alang.
“As peace loving Ilonggos, we must ensure we do what we can to stay on track. We need to reaffirm our pride in Iloilo and to declare Iloilo as ready as ever to take its place among the most livable and business friendly locations,” ang pahayag ni Jalandoni-Perez.
Ginahingyo sang Ilonggo businessmen ang mga eskwelahan, mga relihiyon kag iban pa nga government kag private sector nga maghimo snag tikang matapos nadagta-an ang imahe sang Iloilo. /// via MB
