Davao City – Nagpabiling suspendido ang klase sa publiko ug pribadong eskwelahan sa Davao de Oro human sa magnitude 5.9 nga linog nga miigo sa o epicenter ang New Bataan, Davao de Oro, alas 2:02 sa hapon, Marso 7, 2023.
Sa gipagula nga memorandum order sa Provincial Local Government Unit (PLGU) Davao de Oro, suspendido usab ang trabaho sa government offices gawas lang PLGU frontline offices nga laumang muhatag og serbisyo sa mga naapektuhan sa kalamidad.
Giawhag usab ang mga hingtungdang ahensya nga magpahigayon og structural integrity assessment sa matag lokalidad.
Nasayrang ubay-ubay usab ka mga panimalay, gambalay ug establisemento ang naapektuhan o nadamyos subay sa post sa social media sa mga residente.
Samtang, gikansela usab ang nahibiling aktibidad sa Bulawan Festival sa Davao de Oro, gawas lang sa Pontifical Mass ug Foundation Day Program.
RadyoMaN Kirby Manzon
Facebook Comments
