Gin aprobahan han Provincial Board han Eastern Samar an resolution nga ginsumiter han upat nga barangay ha Manicani Island ngan Municipal Council han Guiuan nga ig-renew ngan tikangan an operation han mineral production han Hinatuan Mining Corporation.
Ha resolution han Provincial Board committee nga may mga ebidensya nga nagpapamatuod nga waray kakulangan ngan diri nagpapabaya an Hinatuan Mining Corporation. Pirmi daw ini naatender han mga environment ngan social concerns ngan an pagsuspende ha ira in waray daw sayantipiko nga basehan.
An PB resolution 17-241 in nasiring nga nasunod ha patakaran an HMC ha Nickel Asia, ilabi na ha rehabilitasyon, employment generation, social ngan heath services ngan community development ha Manicani.
An renewal ngan resumption han mao nga mining corporation in makakabenipisyo ha komunidad pinaagi han employment ngan implementasyon han pira nga programa han HMC. An resolution nga ginpasa han upat nga barangay ngan Sangguniang Bayan han Guiuan in nagpapamatuod nga pabor an ngatanan nga constituents han renewal ngan resumption han mining.
Mababaruan nga ginsuspende hadto han Mines and Geosciences Bureau an renewal contract han HMC mahitungod nga mayada ini mga pagtalapas han balaud han pangkalibungan. Matatapos an permit han HMC yana nga oktobre 28, 2017.
