Provincial check point sa Agusan Sur giwagtang na

41

Human gimando ni Agusan del Sur Gov. Santiago Cane, Jr nga undangon na ang pagpangayo’g Rapid Test negative result sa bisan kinsang mosulod sa lalawigan sa Agusan del Sur, karon gianunsyo na usab sa Gobernador nga hingpit na gyud wagtangon nila nang mga checkpoint alang sa pasulod sa maong probinsya.
Kini sumala pa ang nahukman sa Provincial Inter-Agency Task Force (PIATF) sa Agusan del Sur atol sa virtual meeting nga gipahigayon kagahapon.
Hinoon giklaro ni Gov. Cane nga depende na lang sa matag lungsod ug syudad kung ipabilin paba nila ang mga checkpoints lakip ang pagpangayo ug Rapid Test.
Una nang gibutyag ni Gov. Cane nga wala nay kapuslanan pa ang pag-estrikto nila diha sa mga checkpoint alang sa mosulod sa probinsya sanglit anaa naman sa lalawigan mismo ang virus gumikan sa natalang local transmission sa COVID 19.
Bisan pa man niini, estrikto gihapong gipatuman sa lalawigan ang minimum health protocols sama sa pagsuot ug facemask ug face shield, bawal ang mass gathering, pag-inom ug vino sa pampublikong lugar, pagpangluwas sa pampublikong lugar ug uban pang gidil sa ning panahon sa pandemya.

Facebook Comments