Roxas City, Capiz- Ginkumpirmar ni DILG Provincial Director Jhon Ace Azarcon nga napang-assign na sa tagsa ka mga LGUs sa Capiz ang kabug-osan nga 334 ka mga contact tracers nga ginhire sang DILG.
Nag-umpisa ang actual deployment sang mga ini sang nakaligad nga Oktubre 12.
Ang mga nasambitan nga mga contact tracers ang una na nga ginpaidalom sa trainings agud nga mahibaluan sang mga ini ang ila nga trabaho lakip na ang mga risgo sa pagpatigayon sang contact tracing.
Apang ginsiling ni Azarcon nga may yara sang nagback-off ukon nagresign kun sa diin gilayon naman napun-an ang nabakante nga mga slot sang mga ini.
Ginpahayag dugang ni DILG Provincial Director Jhon Ace Azarcon nga ang nasambitan nga mga contact tracers ang augmentations gid lamang sa ginapatigayon nga contact racing efforts sang mga LGUs.
Nahibaloan nga may yara man sang gintumod nga mga contact tracing team ang tagsa ka mga local government units.
