Provincial election supervisor nagpatabang ug awhag sa katawhan nga magparehistro na

37

MIBISITA si COMELEC-Bukidnon Provincial Election Supervisor Atty. Aleli D. Ramirez sa 26th Sangguniang Panlalawigan (SP) ug nagpatabang aron sa pag-aghat sa mga bag-ong botante nga mohimo sa pagpa-rehistro diha sa mga opisina sa Commission on Elections samtang layo pa ang deadline for registration, atol sa ika-76 nga Regular Session sa SP.

Si Atty. Ramirez, kinsa bag-o lamang nadestino dinhi sa Bukidnon niadtong Enero 4, 2021, mipaabot sa ilang dakong hagit sa pagpangrehistro sa mga bag-ong botante gumikan kay gamay ra kaayo ang migula nga ihap sa na-rehistro niini, diin ang registration gisugdan na niadtong Setyembre 1, 2020 ug gitakda nga matapos sa Setyembre 31, 2021. Sa data gikan sa COMELEC-Bukidnon, ang probinsya adunay total registered voters kaniadto nga 834,596 ug niini nga gidaghanon, adunay target ang maong opisina nga makarehistro sa dili mominus 5% o 42,000 nga bag-ong registrants, apan 3,718 lamang ang migula nga nagparehistro, diin less than 1% lamang ang turnout.


As of today, February 3, 2021, aduna lamang nakapa-rehistro nga 667 sa 1st District; 930 sa 2nd District; 686 sa 3rd District; ug 1,435 sa 4th District, kung aha ang 834,596 nga registered voters sa Bukidnon, nadugangan lamang ug 3,718 nga new registrants.

Gumikan niini, gihangyo ni Atty. Ramirez ang mga miyembro sa 26th SP nga matabangan sila sa pag-aghat sa katawhan nga mohimo sa pagparehistro samtang aduna pay pito (7) ka bulan ayha ang gitakda nga deadline sa tuyo nga dili maghuot ang katawhan aron magpa-rehistro. Aduna usab paagi nga maka-rehistro ang COMELEC sa mga bag-ong botante diha sa mga barangay, apan mag-agad pa sa panugot gikan sa ilang head office nonot sa approval usab sa National Inter-Agency Task Force (NIATF), kung aha ang barangay angayan nga walay kaso sa COVID-19.

Ang buhatan sa COMELEC bukas sa adlaw’ng Lunes hangtud sa Huwebes, alas 8 sa buntag kutob sa alas 3 sa hapon alang niadtong mag-edad 18 anyos on/before May 9, 2022 pataas, ug magdala lamang ug valid ID, mamahimong government ID o ba kaha school ID. Kung walay ID, mamahimong magkuha sa affidavit of 2 disinterested persons sa ilang silingan. Gawas sa registration, mamahimo usab asikasohon ang transfer of registration, correction of name o ba kaha change of status alang sa kababaihan.

Facebook Comments