Provincial government nagapangita sang bag-o nga relocation site para sa 50 ka mga pamilya nga apektado sang tension cracks kag landslide sa Brgy. Ned.

22

Nagapangita sa subong sang panibag-o nga relocation site ang municipal government kag provincial government sang South Cotabato para sa mga residente nga apektado sang tension cracks kag landslide sa Brgy. Ned, Lake Sebu tungod ang nauna nga naidentify ang malayo sa mga residente.

Base suno pa sa assessment sang MGB 12 nagalab-ot sa masobra 300 ang sinkholes sa Brgy. Ned partikular na sa mga sitios sang El Eldolog, Tuburan, Polosubong, Kiantay kag Tawang Dagat.


Suno kay PDRRM Operation and Warning Chief Rolly Aquino ang rason sang pag-usmod suno pa sang lupa sa lugar base sa pagtuon ang tungod sa coal kag may rekomendasyon nga kuhaon ugaling lang may ordinansa nga naga ban sang open pit mining method sa probinsya.

Samtang subong nga adlaw suno kay Aquino liwat sila nga magapatigayon sang inspection sa lima ka mga sitios sa Brgy. Ned matapos nga sang nagligad nga semana nagpatigayon sang reassessment ang MGB 12 sa lugar.

Nahibaluan nga nagalab-ot sa more or less 50 ka mga pamilya ang apektado sa Sitio Tuburan kag kinahanglan nga irelocate lakip na ang elementary school sa Tawang Dagat.

Facebook Comments

From Advertisers