Magahatag ang provincial government sang South Cotabato sang ayuda sa mga apektado sang bagyo nga Odette.
Suno kay PDRRM Action Officer Rolly Aquino target nila nga makahatag sang pauna nga 500 ka relief packs kag subong man mga mabaton nga donasyon halin sa katawhan sang South Cotabato.
Ginkumpirmar ni Aquino nga ang napili sang PDRRMO South Cotabato nga buligan ang Surigao City nga isa sa malala nga naapektuhan sang bagyo nga Odette base sa rekomendasyon sang Office of the Civil Defense.
Ginsiguro niya nga bisan maghatag sang ayuda ang provincial government sa mga apektado sang bagyo nga Odette may bastante pa nga relief packs ang PDRRMO sa tion nga maigo sang anuman nga kalamidad ang probinsya.
May-angot sini, nagapanawagan si PDRRM Action Officer Aquino sang donasyon sa katawhan sang South Cotabato para madala nila sa idul-ong nga ayuda.
Samtang nagpalasamat siya nga wala naapektuhan sang bagyo nga Odette ang South Cotabato.
