Provincial jail guard, nasikop sa pagpamaligya og drogang Shabu

32

Nasikop sa mga otoridad ang usa ka empleyado sa gobyerno diri sa probinsya sa bukidnon sa pagpamaligya og drogang shabu atol sa operasyon nga gipahigayon sa mga kapulisan kagahapong adlawa didto sa Purok-10 Natid-asan, Brgy. Casisang, Malaybalay city, Bukidnon.

Giila kining nasikop nga si Marco Variacion, Jail guard sa Provincial Detention and Rehabilitation Center diri sa Bukidnon ang sumala pa nga dugay ng ginabantayan sa mga otoridad gumikan sa maong binuhatan og malampuson kining nasikop kagahapong adlawa nga nakompiskahan og balor Php6,800 nga kantidad sa ginadiling droga.


Ang maong pagkasikop sa suspetsado hiniusang kalampusan sa Philippine Drug Enforcement Agency (PDEA) 10 pinaagi sa programamg “Isumbong mo kay Wilkins” inubanan sa Malaybalay City Police Station.

Sa laing bahin, gidala na ang mga nakompiskang ebidensiya sa PDEA RO10 alang sa eksiminasyon ug gibalhog na sa Detention Facility sa PDEA ang suspetsado.

Facebook Comments