Proyektong wala nahuman sa DPWH, usa sa mga rason sa pagbaha sa Laverna

Davao City – Kapila na matud pa gitawag ni Davao City Mayor Sebastian ‘Baste’ Duterte ang atensyon sa Department of Public Works and Highways (DPWH) XI kalabot sa ilang mga proyektong wala nahuman nga nakaapekto na karon sa katawhan sa dakbayan.

Sa latest episode sa Basta Dabawenyo, gituki sa mayor ang nasinatiang pagbaha sa Davao City ug gibutyag nga gitambagan niya ang DPWH nga unahon ang mga drainage system sa syudad ug mga pump aron makatabang panahon sa pagbaha ilabi na sa area sa Laverna apan hangtod karon, wala gihapon nasulbad ang maong problema.

“Actually gisuwatan na nako ng DPWH kadtong paglingkod palang nako nga i-prioritize nila ang mga drainage system sa Davao City. Pero ang ilang ginabuhat karon, gapamungkag og mga semento nga pwede pang agian unya ilang sementuhon og usab. Ambot ana nila,” segun ni Baste.

Dugang sa mayor nga aduna na sila’y mga alternatibo karon ug mas ginapalapdan nga mga plano aron hatagan kasulbaran ang mulo sa dabawenyos kalabot sa sagunson nga pagbaha sa dakbayan.

RadyoMaN Ivy Parido