Davao City- Adunay bug-at nga rason ang mga militante ug ang mga kritiko aron mabalaka sa posibling pagtumaw sa laing diktadorya nga lider sa nasud sunod kang kanhing presidente Ferdinand Marcos.
Matud ni Victims of Justice, Criminality, and Terrorism in Mindanao Convenor Arthur Tariman nga ang is-tilo sa liderato ni Pangulong Rodrigo Duterte hulagway sa usa ka sa diktadorya sama kang Marcos.
Ug gumikan ani, gidasig ni Tariman ang katawhan nga magbinantayon sa tanang panahon aron gilayon pahinumduman ang presidente ugali tahakon na niini ang mga tunob ni Macoy.
Ang protesta sa mga kritiko sa ika-45th martial law commemoration karong adlawa nagpakita sa ilang kaisog sa pagsupak sa mga polisiya ni PRRD sama sa pagdeklara og balaod militar sa tibuook nasud.
Nagtoo si Tariman nga kung dili mubuhi ang mga kontra partidos sa pagpuna kang PRRD hayan masanta ang pangulo sa paghangop sa one man rule sa atong nasud sama sa gibuhat ni Macoy.
Matud ni Independiente Filipina Iglesia Bishop Denny Dapitan nga dili matago ang kamatooran nga sama na sa diktadorya si PRRD gumikan sa wala pagrespeto sa tawhanong katungod maingon man pagputol sa peacetalk tali sa CPP-NPA-NDF.
Kasamang Joel Viray
