SYUDAD sang Iloilo – Ginbisitahan ni Presidente Rodrigo Duterte ang pamilya sang mga biktima sang trahedya nga nagluntad sa Iloilo strait sang Sabado sang hapon, Agosto 3.
Pasado alas 5:00 kahapon sang hapon sang nag-abot ang presidente sa Iloilo kag nagdiretso sa Gegato Abecia funeral homes sa Balabago, Jaro kon sa diin nahamyang ang 13 sa 31 ka mga biktima.
Kaupod sanday Senator Bong Go, Iloilo City Mayor Jerry Treñas , Governor Arthur Defensor Jr., PRO-6 director Rene Pamuspusan kag iban pa nga mga opisyal, nakighinun-anon si presidente duterte sa pamilya sang mga biktima kag naghatag sang bulig pinansyal.
Suno kay Iloilo City Mayor Jerry Treñas, naluoy gid ang presidente ilabi na sa pamilya nga madamo sang himata ang napatay sa trahedya.
