Report ni: Jennifer Palomo Debaja
Nag hatag sang ” kilig ” moment ang eksena sang paghalok sa lips ni PRRD sa isa ka OFW sa pagtilipon subong nga adlaw sa Grand Hilton Hotel, South Korea.
Ang wala gin pangalanan nga OFW isa sa mga recipients sang Presidente para tagaan sang free copy sang “Altar of Secrets” nga libro kon sa diin estorya ini sang gina alegar nga pang abuso sa mga Filipino clergy. Una nga nag pahayag ang presidente nga magapili sang 2 ka audience nga magasaka sa entablado agud magabaton sang libro apang nag lahog ini nga nga halukan ang hatagan sang kopya.
Ang una nga nagbaton sang libro matapos nagpasalamat kay PRRD gin halukan sini ang presidente sa cheek apang ang ikaduwa nga pinay nag pasugot nga halukan sa lips.
Base sa naglapta nga video, antis sang “kiss” ginpamangkot man sang presidente ang pinay kon dalaga ini kag nagsabat man nga may nobyo na. Isa pa gid ka friendly hug ang nabaton sang pinay kay PRRD antis ini nanaog sa entablado.
Prior sang kiss incident, nag deliver sang long speech ang presidente nahanungod sa mining, corruption, war on drugs kag mga alegasyon sang pang abuso sa Catholic Church.
Dugang sang presidente, dismayado na ini sa mga alleged sexual abuses sa simbahan katoliko gani magatukod siya sang iya kaugalingon nga simbahan kag pagatawgon ini nga “Iglesia ni Rodrigo.” Suno sa presidente, ang solo nga polisiya sang iya simbahan amo ang “paghatag kalipay sa kaugalingon ”
“You only live once,” pahayag sang presidente sa presensya sang gina bulubanta 2,000 ka OFWs sa ginhiwat nga pagtilipon sa iya pagbisita sa South Korea “Pursue your dreams,” dugang pa sang presidente.
