Davao City – Gikalipay ni Presidente Rodrigo Duterte ang pagpahigayon sa Palarong Pambansa 2019 dinhi sa Davao City kagahapong adlawa, April 28, 2019.
Sa iyang mensahe atubangan sa 18,000 ka mga atleta gisulti sa pamuno nasud nga proud kini nga human sa pipila ka tuig, ang Davao City ang napili nga mu-host sa palaro atol pa gayud sa iyang termino.
Kahinumduman, 69 ka tuig na ang nakalabay sukad ang Davao naka-host og Palaro nga gitawag kaniadto nga Bureau of Public Schools Interscholastic Athletics Association.
Nagpahimangno usab si PRRD nga dili gub-on ang kaugmaon sa kabatan-unan tungod sa iligal nga droga gumikan siya gayud ang makalaban sa mga taong nagpadayon diha sa pagpakuyanap sa illegal drugs.
Samtang, gisulti sa pangulo sa mga atleta nga ipadayon sa gobyerno ang pagpromotar sa physical education ug uban pang sports program gani angay hinumduman sa mga atleta ang bili sa disiplina ug pagkamakabayan sa pag apil sa palaro.
RadyoMaN Renz Barbarona
