Sultan Kudarat, Maguindanao – Usa ka makasaysayanong decommissioning sa kapin usa ka libo ka mga kanhi MILF fighters ug di muubos sa siyam ka gatos ka mga armas ang natigayon sulod sa Old Provincial Capitol, Simuay Sultan Kudarat, Maguindanao.
Gipanguluhan ni Pangulong Rodrigo Duterte ang seremonyas sa pagtunol sa mga socio-economic assistance ngadto sa mga kanhi mangugubat.
Nihatag usab og financial assistance ang Presidente.
Gipasalig sa pangulo nga tabangan niya ang mga kanhi rebelde.
“Habang ako ang Presidente, makukuha ninyo what we promised to you. Health, financial, we will do it. Alam ko wala kayong pera. Nagtatayo pa lang kayo ng state. Bago pa ito. Give it a chance to grow. Kailangan niyo pera. We promised to help you,”
Gitambagan sila sa pamuno nasud nga gamiton ang pinansyal nga ayuda sa livelihood aron matambangan usab nila sa ilahang mga pamilya aron makabarog sa hingpit.
Niadtong Huwebes gilagdaan sa OPAPP ug TESDA ang usa ka Memorandum of Agreement para sa skills training program ug scholarship grants.
Gikalipay sa kanhi combatant nga human sa 18 ka tuig makapahulay na kini sa gyera ug makatutok na kini sa iyahang pamilya.
“Maypa si Duterte nasabtan niya ang problema namo sa Moro, nagpasalamat mi sa iyaha kay siya pa ang Presidente naka-solve sa problema sa Bangsamoro,” segun ni Ayunan.
Samtang, gitataw ni BARMM Interim Chief Minister Al Haj Ahod Murad Ibrahim nga ang decommissioning dili kini pagsurrender apan usa ka simbolo sa ilahang sinsirad ug determinasyon diha sa pagduso sa nagpadayong proseso sa kalinaw para sa Mindanao.
“I would like to emphasize that the decommissioning does not mean we have given up on what we used to fight for. It simply demonstrate our sincere and full commitment to fulfilling our obligations and responsibilities in the peace agreement we signed with the Philippine government,” sumala ni Murad.
RadyoMaN Aimee Guinita
