Gibutyag ni Maria Lourdes Lim, Career Executive Service officer (CESO) II, Regional Director sa National Economic and Development Authority (NEDA-XI) nga sa datus sa Philippine Statistics Authority (PSA), niadtong Hulyo 2022, anaa sa 97.1 ang employment rate sa Region-XI.
Ikaduha ang Davao Region sa tibuok Pilipinas sunod sa Region II (Cagayan Valley) nga adunay 97.2% employment rate, mas taas gihapon sa national employment rate nga anaa sa 94.8%.
“Davao Region continues to be optimistic due to its proven resilience during the pandemic and boosted by employment statistics that are encouraging,” matud ni Lim.
Sulti sa NEDA-XI official nga daghang mga proyekto nga ginabuhat sa Davao Region hinungdan nga daghang mga residente ang nahatagan og trabaho sama na lamang sa Davao City Bypass Construction Project, Davao City Coastal Bypass Road Project, Davao City Expressway Project, Davao Public Transport Modernization (DPTM) Project, Samal Island – Davao City Connector ug uban pa.
RadyoMaN Kirby Manzon
