Davao City – Gikatakdang ilubong ang patay’ng lawas ni Police Senior Master Sergeant Tito Digal Lague karong adlawa August 07, 2023.
Matud sa Iyahan nga si Melencia Acala, karong buntag ilubong sa minteryo sa Toril si Lague nga pangunahan sa iyang pamilya, kabanay, mga kaubanang pulis ug mga higala niini.
Suma ni Melencia Acala, sa miaging semana pa miabot ang ilang kaparyentehan gikan sa Bohol, Cagayan, Tagum, ug uban pang mga lugar sa nasod.
lisod madawat sa pamilyang Lague ang kamatayon ni PSMS Tito Lague nga gikatakda na unta magretiro sa serbisyo, butang nga dili na mahitabo pa karon.
Nagpasalamat usab ang Pamilya sa pagbisita ni Kanhi Pangulong Rodrigo Duterte ug Mayor Sebastian “Baste”Duterte sa haya ni PSMS Lague, kay nakahatag kini og paglu-ag sa gibug-aton sa kasingkasing nga ilang gibati ning panahona.
RadyoMan Joel Viray
Facebook Comments
