PSSCC: Brgy. Officials mututok sa ‘One Strike Rule’ sa liquor ban

32

Davao City – Pasirad-an ang mga tindahan o mga establisyementong masayrang nisupak sa 24-hour liquor ban sa dakbayan sa Davao nga mu-arangkada karong Lunes Nobyembre 2 kutob sa Disyembre 31, 2020.

Sa interbyu sa RMN Davao kang Public Safety and Security Command Center (PSSCC) chief Angel Sumagaysay gimanduan ang mga barangay officials nga hugot nga bantayan ilabina ang patago-tago nga pagpamaligya diha sa ilahang mga lugar.


“Sa one strike rule natin ang gitahasan nato diri ang barangay council kay sila tong pinaka close sa community. Dapat mag-conduct sila’g surveillance dinha,” matud ni Sumagaysay.

Wala makauyon ang opisyal sa daw panic buying sa mga ilimnon sukad nga nigula ang Executive Order No. 59 sa subling pag-imposar sa 24 hour nga liquor ban.

Mas labing maayo igahin ang kwarta ngadto sa pagkaon sa pamilya ilabi na para sa taliabot nga Kapaskuhan.

Dili man mapugngan ang kinartong mga gipamalit nga ilimnon sa mga tawo, ang tambag ni Sumagaysay nga i-consume kana sa panimalay.




Sa Sec. 1 sa EO No. 59, gidili ang pagpamaligya, pagsilbi ug pag-inom sa mga ilimnon ug uban pang mga alcoholic o intoxicating drinks sa pampublikong lugar sulod sa 24 oras sugod alas 5AM karong petsa 2 sa Nobyembre.

RadyoMaN Aimee Guinita

Facebook Comments