PSSCC: LGU Davao guidelines sa optional face mask ipagula

Davao City – Posibleng karon nga semana magpagula ang City Government of Davao og guidelines sa pag-adopt sa Executive Order (EO) No. 7 nga giisyu sa national government o ang optional nga pagsuot og face mask sa indoor/outdoor settings.

Sa interbyu sa DXDC RMN Davao kang Angel Sumagaysay, head sa Davao City Public Safety Security Command Center (PSSCC), gibutyag niini nga wala na sila nagapanakop o naga-isyu og citation tickets sa mga indibidwal nga wala nagasuot og face mask.

Sa pagkakaron, ginahulat na lamang sa PSSCC ang guidelines sa lokal nga panggamhan aron dili maglibog ang publiko ilabi na nga adunay gihapoy mga areas nga mandatory ang pagsuot og face mask sama sa public transportation ug health facilities (mga ospital), subay gihapon sa EO No. 7.

“Actually, dugay na nga naay guidelines ang City Mayor’s Office nga dili na manakop atong wala nagasul-ob og face mask. Hulaton nato ang adoption (sa LGU Davao sa EO No. 7) kay most probably, ma-include na siya sa guidelines kung unsa ba ang himuon nato dinhi sa syudad sa Davao,” sulti ni Sumagaysay.

RadyoMaN Kirby Manzon