Davao City- Gipanganti sa Public Safety and Security Office diha sa pagtabang sa nagpadayong imbestigasyon sa pagpusil patay sa babaeng negosyate nga si Anabelle Cosido Elizagaque niadtong May 13, 2023 sa may Diversion Road corner Bypass Road, Brgy. Ma-a ning dakbayan.
Segun ni Angel Sumagaysay, PSSCO chief nga negatibo ug wala niganar ang mga CCTVs kung aha kini naggikan.
Gipasalig ni Sumagaysay nga mutabang sila sa kapulisan partikular na sa pagtunol og CCTV kung aduna may marekober.
Gimanduan ni Sumagaysay ang DCPO nga tutukan gayod ug solbaron ang maong kaso.
Subay niini adunay ginalantaw ang Davao City Police Office nga person of interest nga posibleng mastermind sa pagpusil patay sa negosyanteng biktima.
Sumala ni Police Major Catherine Dela Rey, Davao City Police Office (DCPO) spokesperson, ginalantaw karon ang anggulo sa kalambigitan niini isip ahente sa investment scheme ug posibleng mga nakabangi niini sa laing negosyo.
RadyoMaN Aimee Guinita
Facebook Comments
