Davao City – Gimanduan sa Public Safety and Security Office (PSSO), ang mga law enforcement units nga hugot ipatuman ang Executive Order 060-02 of 2002 kun pagdili sa mga pabuto sa dakbayan sa Davao karong Kapaskuhan ug Bag-ong Tuig.
Gibutyag ni Angel Sumagaysay PSSO chief, aron masegurong walay makalusot nga mga pabuto ug madisgrasya tungod niini atol sa mga selebrasyon.
Sumala niini sulod sa pila na ka mga katuigan, nagpabiling zero casualty sa firecrackers ang dakbayan busa nanawagan kini sa kooperasyon ug pagtuman sa publiko.
Lakip sa istriktong pag-inspeksyon sa mga personahe sa Task Force Davao sa mga border control points nga wala gayuy makalusot nga pabuto. Adunay silot nga ipahamtang sa mga mamaligya og firecrackers ug pyrotechnic devices.
Gidili usab ang bamboo cannon ug ilaha usab kining kumpiskahon, dugang ni Sumagaysay.
RadyoMaN Aimee Guinita
Facebook Comments
