PSTMO, magadeploy sang dugang nga mga personnel kadungan sang pagbukas sang klase subong nga Lunes.

Maga-deploy sang dugang nga personnel ang Public Safety and Transportation Management Office ukon PSTMO para mapasiguro ang matalunsay nga dalagan sang mga salakyan sa pagbukas sang klase subong nga adlaw.
Ginpahayag ni PSTMO head Jeck Conlu nga ginalauman nila ang pagdagsa sang mga pasahero kag paggutok sang mga salakyan sa pagbukas sang klase kabangdanan nagdihon sila sang deployment plan.
Suno kay Conlu nga maga-deploy sila sang 345 ka mga personnel kag target nila nga pagabantayan ang mga terminals kon sa diin ginalauman nga magadagsa ang mga pasahero halin sa kabanwahanan.