ILOILO City – Nagapanawagan ang Public Safety and Transportation Management Office (PSTMO) sa mga drivers sang PUJ’s nga indi mag-untat sa pagbyahe kun magtupa ang ulan sa syudad.
Suno kay Mr. Jeck Conlu, head sang PSTMO kinaandan na sang mga drivers nga mag-untat sang byahe kun mag-ulan kun makasigurado na sang ila boundery.
Ini ang kabangdanan kun ngaa madamo sang mga pasahero ang nagakastranded sa downtown padulong sa nagkalainlain nga distrito sang syudad.
Problema man subong ang mga construction sang mga dalan nga nagapaggutok sang trapiko kag nagapahinay sang pagbalik sang mga de pasahero ga salakyan.
Pahayag ni Conlu dapat nga talupangdon sang mga drivers ang mga makalolooy nga pasahero nga maapektuhan kun indi sila magbyahe sa tagsa ka maglain ang panahon.
