ILOILO City – Nagpanawagan si Mr. Jeck Conlu Head sang Public Safety and Transportation Management Office sa mga residente sang syudad nga likawan ang paghatag sang limos sa mga badjao nga nagapailimos sa syudad.
Suno kay Conlu, indi dapat hatagan sang limos ang mga badjao agud indi sila magpuyo sa syudad.
Sang nagligad nga semana may 13 ka Badjao nga nadakop ang PSTMO nga nagalibot sa syudad.
Sadtong 2017 may 68 man ka Badjao nga ginpabalik sa Mindanao ang syudad apang liwat naman nga nagbalik.
Nagpanawagan man si Conlu sa mga jeepney drivers kag mga motorist nga indi maghatag sang limos sa mga badjao nga nagapakilimos sa mga dalanon.
Nahibaluan nga sa idalum sang PD 1563 ginadumilian ang paghatag sang limos sa mga tawo nga may ikasarang magpangabudlay apang mas ginpili ang magpakilimos bilang palangbuhian.
Photo from web
