PSYCHOTIC DISORDER | Army nga nagluthang sa kaangay nga army, may psychotic disorder

May psychotic disorder si Private First Class (PFC) Sargie Labao.

Ini ang pahayag ni SPO4 Rufo Sarmiento, Deputy Chief of Police sang Tapaz Municipal Police Station.

Sun okay Sarmiento nagsugod ini sang nadestino si Labao sa Bohol sang 2017 kag na-ingkwentro ang Abu Sayaff.


Dugang pa sini sang nagligad nga Abril, na-confine sa hospital sang 3rdID sa Jamindan si Labao kag na-diagnose nga may psychotic disorder.

Sa interview sang RMN kay Aida, iloy ni Labao, ginpahayag sini nga indi na kuntani magbalik sa serbisyo si PFC Sargie Labao.

Ini bangod naka angkon sang war shock ang iya bata.

Sun okay Aida, may mga opisyal sang Philippine Army nga nagpadulong sa ila balay agud pabalikon sa duty ang iya anak apang mismo si Sargie ang nagpahayag nga na-alang-alangan siya sa iya sitwasyon kag mas ginpili na lang nga magpabilin sa ila balay.

Ginpahayag ni Aida nga nag-abiso ang doctor nga anum (6) ka bulan pa ang hulaton antes makaduty si Labao matapos na diagnose nga may psychotic disorder apang ginpabalik na ini sa serbisyo sang Philippine Army matapos gid lamang ang duha (2) ka bulan nga pagpahuway.

Ginpabalik sa duty si Labao sang Hunyo kag wala nasunod ang dapat kuntani 6 ka bulan nga pahuway santu man sa rekomendasyon sang doctor.

Madumduman nga Huwebes sang aga, Hunyo 19, ginluthang ni PFC Labao si PFC Delio Sebarillo sa sulod mismo sang kampo sang 61st Infantry Battalion, 3ID, Philippine Army sa Lagdungan, Tapaz, Capiz kag ginbawian gid sang kabuhi ang naulihi.

Photo via SPO2 Rocer Grande

Facebook Comments