Sa pakighinabi sa DXDC RMN Davao kang Police Major Catherine Dela Rey, tigpamaba sa Police Regional Office (PRO)-XI, iyang gisulti nga subay sa Resolution No. 10918 sa Commission on Elections (COMELEC), magsugod ang gun ban sa Agosto 28 hangtud Nobyembre 29, 2023, diin gidili ang pagdala ug pag-transport og mga armas nga walay Certificate of Authority gikan sa COMELEC.
“Gi-emphasize didto sa COMELEC nga bisa’g naa moy Permit to Carry Firearm Outside of Residence, kailangan nila og written permit from COMELEC kung gusto man galing nila nga magdala og firearm outside sa ilang residence,” matud ni Dela Rey.
Samtang, gibutyag sa PRO-XI official nga sa kasamtangan, walay natala ang kapulisan sa Davao Region nga mga insidente nga konektado sa umaabot nga BSKE 2023.
RadyoMaN Kirby Manzon
