Davao City – Gibana-banaang anaa sa 30 ka mga pamilya ang apektado sa gipahigayong demolisyon sa Purok 5 Talomo proper, Puan, Davao City karong adlawa.
Sumala ni Santi Julian Solomon, Implementing Sheriff sa RTC 16 atol sa pakighinabi sa DXDC RMN Davao, matud niya nga ang luna nga gitukuran sa mga struktura ug panimalay sa nasangpit nga lugar usa matud pa ka private property.
Samtang nangasuko, naghilak ug nagreklamo ang pipila ka mga residente tungod dili matud pa sila tugtan nga sila mismo ang muguba sa ilang mga balay ug dili usab makatarunganon ang pagpahigayon sa demolisyon.
Namroblema karon ang mga residente og asa sila mamuyo busa nanawagan sila sa lokal nga gobyerno nga tabangan sila og asa sila mag-estar human sa demolisyon.
Apan ang uban miingon nga wala na kunoy mahimo ang ubang mga residente sa maong demolisyon kundi sundon lang nila ang gipatumang balaod.
Ubay-ubay usab ka mga personahe ang gipakatag sa lugar aron masigurong hapsay ug malinawon ang pagpatuman sa demolisyon diin una ng gihangyo ni Davao City Police Officer (DCPO) director nga dili na mupalag aron walay mahitabong kagubot.
RadyoMaN Renz Barbarona
