Davao City – Dakong tabang sa mga barangay ning siyudad sa Davao ang balaud nga public drinking ban human aprubado na sa konseho sa lokal nga panggamhanan ning dakbayan nga ginadili na ang pag-inum sa kadalanan, eskinita, mga barangay gym ug ubang dapit nga sagad makita sa mga tawo.
Sumala ni Brgy. Kagawad Gilbert Mata sa Brgy. 5-A Bankerohan nga pabor siya sa maong balaud nga gipaimplementar sagad mga nag-unang problema nga mag-away human naka-inum nga makahatag og distorbo sa mga katawhan panahon nga anaa pa sa pagpahuway.
Gidugang ni Brgy. Kagawad Mata nga uyon siya sa maong sugyot nga mas pabug-atan pa ang silot batok sa mga malapason sa maong balaud ug naglaum si kagawad mata nga posible mahitabo nga wala nay mag-inum sa mga daplin sa kadalanan.
Gipaabot pa ni Kagawad Mata sa tanan Dabawenyo lakip usab sa ilang barangay nga suportahan ang maong balaud ug gikinahanglan usab nga mutoman ang mga tawo sa pagdili sa pag-inum sa mga public places alang sa kaayohan sa tanan katawhan.
RadyoMaN Don Pulayao
