Davao City – Angayan lang i-dili ang pag-inum sa makahubog nga ilimnon sa publikong lugar ilabi na kung walay okasyon. Sumala ni Davao City 1st District Councilor Nilo “Small” Abellera Jr., kanhi chairman sa Committee on Peace and Order sa konseho syudad sa Davao, angayan lang idili ang pag-inum tungod kay makahatag usab ug kadistorbo ilabi na kung mag-away.
Gipasabot usab ni Councilor Abellera, pabor siya nga did-an ang pag-inum sa sentro nga mga lugar sa syudad, eskinita, parke ug barangay gym nga makita sila sa mga tawo.
Mas dakong uyon si kanhi chairman Committee on Peace and Order nga pabug-atan ang silot sa mga madakpan nga makasupak sa maong ordinansa aron motagam.
RadyoMaN Bernard Pantallon
Facebook Comments
