Davao City – Gidasig ni Brgy. 8-A Kagawad Ruben Dongsal ang publiko nga kun maghubog gikinahanglan himoon kini sulod lamang sa panimalay aron malikayan ang pagmugna og kasamok diha sa kadalanan.
Matud ni Dongsal, dili maayo nga lantawon ang pag-inum sa dalan kay maghatag kini og dili maayo nga panag-ingnan ngadto sa mga batan-on.
Busa dakung pabor ang kagawad nga makalusot sa hawanan sa konseho ug mahingpit nga ordinansa ang Public Drinking Ban sa ingon madisiplina ug dili magpasulabi ang mga palahubog sa ilang kalipay.
Gibatbat pa ni Dongsal, dakung ayuda sa nasudnong gobyerno ug sa lokal nga kagamhanan sa pagmintinar sa kahapsay ug kalinaw diha sa mga kabarangayan ang Public Drinking Ban.
Apan dakong supak si Dongsal nga limitahan ang pagpalit sa ilimnong makahubog kay katungod sa mga manginumay nga mupalit og daghan hangtud sa makaya pa nila og inum gawas kun magmugna og kaguliyang sa publiko ug kasamok sa mga silingan kana pwede na did-an.
RadyoMaN Joel Viray
