Davao City – Giaprubahan na sa third and final reading ang gidusong ordinansa ni Councilor Maria Belen Acosta sa Committee on Peace and Order kalabutan sa pag-inum og makahubog nga bino diha sa pampublikong lugar.
Sa pakighinabi kang Acosta, sakop sa maong ordinansa ang bisan asang lugar ilabina adunay madistorbo sama sa parke, playgrounds, eskinita, sidewalks o sa uban pang pampublikong lugar.
Giklaro usab sa konsehal nga dili kini total ban diin pwede mokuha og special permits kung magpahigayon og events nga aprubahan sa City Mayor’s Office o sa ilang barangay captain.
Kahinumdomang na-aprubahan kini sa second reading kaniadtong Pebrero 27, 2018.
Ang mosupak sa maong ordianansa mamahimong masilotan gikan P3,000.00-P5,000.00 o pagkabilanggo sulod sa usa ka tuig depende sa salaod nga nahimo ug sa mando sa korte.
RadyoMaN Jason Amisola
