Davao City – Maayo sumala pa ang nahimong lakang ni Presidente Rodrigo Duterte nga pagdeklara og Public Health Emergency sa nasud tungod sa kaso sa Coronavirus Disease 2019 (COVID)-19.
Sa interbyu sa DXDC RMN Davao kang Southern Philippines Medical Center (SPMC) Chief of Clinics Dr. Ricardo Audan, gibutyag niini nga gibasehan lang usab sa presidente ang maong deklarasyon sa Department of Health (DoH) kung unsa ang mas angay buhaton.
“Tama lang tong declaration ni presidente Duterte kay nagbase lang pud siya sa DoH. Tama lang pud para ma highlight ang atong awareness sa Coronavirus,” saysay ni Audan.
Gitawtaw ni Audan nga dili angay ikabalaka ang maong deklarasyon. Hinuon kini nagpasabot lang nga mas atong gipakusgan ang kahibalo kun ‘awareness’ sa publiko labot sa COVID-19.
Nasayran nga miabot na sa unom ang natalang positibong kaso sa COVID-19 sa nasud diin ang ika limang kaso nakuha pinaagi sa local transmission.
RadyoMaN Kirby Manzon
