Gipahigayon ang committee hearing sa Mandaya hotel ning siyudad nga gitambungan sa nagkadaiyang sektor, local leaders, ug mga barangay Kapitan gikan sa tulo ka distrito ning dakbayan.
Sa maong public hearing, gituki ang planong pag-amenda sa ekonomikanhong probisyon sa 1987 constitution.
Gipaminaw ni Senador Padilla ang mga kumento, sentimiento, obserbasyon, ug suhestiyon sa mga partisipante ug pipila sa mga nagpalanog mao ang Davao City Chambers of Commerce Industry Incorporated, representante sa hut-ong mga negosyante gikan Canada, ug mga representante gikan sa lahi- lahi nga sektor sa katilingban.
Usa sa mga migawas nga obserbasyon nganong wala ma-attract ang mga langyaw’ng tigpatigayon mao nga sirado ang balaod alang sa direct foreign investment.
Kabahin pa sa natumbok mao ang ekonomikanhong kahimtang sa atong mga kaigsoonang Muslim diin kung hunahunaon 60 porsento kanila anaa sa ubos nga kahimtang ug bisan pa ang ilang mga lugar hinay ang sulod sa mga investments.
Nasuta karon ni Senador Padilla nga ang mga taga-Dabaw mas pabor sa constitutional convention kon concon sukwahi sa buot mahitabo sa magbabalaud nga conventional assembly kon con-ass nga pamaagi sa charter change kon chacha.
Hinoon, gipasalamatan sa senador kinsa chairman sa senate committee on constitution amendments ang mga partisipante tungod sa ilang aktibong pagpartisipar sa hisgutanang pag-amenda sa probisyon sa ekonomiya.
Segun ni Senador Padilla, human dinhi sa dakbayan mulahos ba usab sila sa Visayas ug dayon Luzon aron makumpleto ang ilang gikinahanglang rekisitos sa pagdungog sa public hearing adiser kini muhimo og committee report ug dad-on sa plenaryo sa senado aron didto na kumbatihon ang pag-utro sa balaod sa nasud.
RadyoMan Joel Viray
