Public teacher’s salary increase karong 2019, gikalipay

231

Davao City – Gikalipay sa mga magtutudlo ang anunsyo ni Pangulong Rodrigo Duterte nga pagpataas sa sweldo sa mga public school teachers karon nga tuig, 2019.

Sa pakighinabi sa DXDC RMN Davao kang Jenelito “Dodong” Atillo, tigpamaba sa Department of Education (DepEd)-XI, gibutyag niini nga ilang gikalipay ang maong pamahayag sa pangulo diin una na niya kining gisaad niadto pang panahon sa iyang pagpangampanya.

“We’re thankful for the president for remembering us. We’re thankful for the president for making this a realization, a reality in the days to come.” segun ni Atillo.

Matud pa sa DepEd spokesperson nga ilang nasabtan nga dili ingon ana ka sayon o kadali ug aduna pa gayuy mga angay bag-ohon o i-plastar ayha mapatuman ang maong pagpataas sa sweldo sa mga magtutudlo. Bisan pa man, mituo ang mga magtutudlo nga mahitabo gayud maong saad sa presidente sa tukmang panahon.

“Eventually, we’re hopeful nga mahitabo sya. Ug sayud man ta nga once isaad sa presidente, ni Presidente Duterte, being from Davao, sayud tang tanan nga kung unsay giluwatang pamahayag ni Presidente Duterte, iya gyud nang pagabuhaton.” segun ni Atillo.

RadyoMaN Kirby Manzon

Facebook Comments