Davao City – Giawhag sa City Disaster Risk Reduction Management Council kun CDRRMC ang mga Davaoeños nga mupartisipar sa National Simultaneous Earthquake Drill karong Hunyo 20, adlaw’ng Huwebes, alas-2:00 sa hapon.
Sa interbyu sa RMN Davao kang CDRRMC Operations and Warning Officer Rodrigo Bustillo nga sukdon pinaagi niini nga drill ang preparasyon ug andamon ang tanan diha sa kunuhay pagtay-og sa Magnitude 7 nga linog nga posibleng mubilin og dakong kadaot.
Ang Digos City maoy pilot area sa NSED karong tuiga.
“Kita dinhi sa Davao kay nationwide mana participate ta pinaagi sa atoang usual nga ginahimong duck, cover and hold. We are encouraging tanang ahensya sa Davao nga mag-participate sa NSED, ang gikuan dinhi ang Magnitude 7 nga earthquake nga enough nga makaguba’g mga structure ug posibleng maka-create og tsumani mao nay scenario sa atoang OCD,” sumala ni Bustillo.
Gipasabot ni Bustillo tungod kay dili matagna ang mga kalamidad sama sa linog angay nga seryusohon kini sa tanan aron daghang kinabuhi ang masalbar.
“Kining mga drills sa earthquake atoa ning seryusuhon kay sa pagkatinuod musugot ta’g sa dili aduna gyuy linog nga mahitabo sa atoang lugar sa Pilipinas kay naa man ta sa ginatawag natong ring of fire. Tun-an nato kini kay dili man ta kahibalo kanus-a ang linog mahitabo pero makapangandam kita unsay angay himuon,” sumala ni Bustillo.
RadyoMaN Aimee Guinita
