Davao City – Gi-awhag karon ni Philippine Mental Health Association
(PMHA-Davao) executive manager Precious Manliguez ang publiko nga motambong
sa ipahigayong Mental Health Conference karong adlawa, Marso 20, 2018,
ala-1:00 ngadto sa alas 5:00 sa kahaponon.
Sumala niini, tumong sa maong aktibidad ang pagprepara sa katawhan ilabi na
sa panahon nga makasinati og di mapugngan’g katalagman.
Palawmon ang diskusyon kabahin sa Mental Health nila ni Dan Jorge G. Garcia
sa City Disaster Risk Reduction and Management Office (CDRRMO) ug Rogelio
P. Lelis Jr. Center of Psychological Extension and Research Service
(COPERS) ilawom sa Ateneo de Davao University (ADDU).
Lauman usab nga motambong sa Mental Health Conference si Davao City
Councilor Joselle Villafuerte, chairperson sa Committee on Health, kinsa
nagduso usab sa Mental Health Ordinance dinhi sa dakbayan.
Ang conference ipahigayon sa Martha’s Place Brokenshire College diin
imbitado ang publiko.
RadyoMaN Jason Amisola
