Davao City – Gitinguha sa 19th City Council nga makab-ot o malabwan ang 99.48% nga coverage atol sa 2nd round polio vaccination karong Nobyembre 25-Disyembre 7, 2019 sa mga 0-59 months old nga mga bata.
Sa pakighinabi sa media kang Committee on Health chair Councilor Joselle Villafuerte giawhag niini ang tanan sa pagtinabangay sa pagsiguro nga protektado gayod ang mga kabataan kontra sa delikadong balatian nga polio.
“Sobrang na-happy ako sa 99.48% because I am pushing for a mandatory immunization of all the children and infants in Davao City, so that means kaya pala natin na malaki,” matud ni Villafuerte.
Nanawagan si Villafuerte sa tanang health workers nga mutabang sa himuong mga bakuna sa 182 ka mga barangays sa Davao, malls, ospital ug sa mga pipila ka mga simbahan.
Lauman nga mas daghang Oral Polio Type 2 vaccines ang muabot sa Davao tungod kay dili lang 190,000 ka mga bata ang bakunahan apan lakip na kadtong buot mudayo sa syudad aron magpabakuna.
Gi-discourage gihapon ni Villafuerte ang publiko nga mangaligo sa Davao river.
“Below 5 huwag nalang muna mag-swimming, although good news is wala ng nakitang polio sa ating tubig. Pero let’s not relax muna dahil mayroon na tayong public health emergency and we also wish that after this that we go back to polio-free Philippines,” matud ni Villafuerte.
RadyoMan Aimee Guinita
