Davao City – Gi-awhag karon sa Indigenous Peoples Mandatory Representative (IPMR) sa dakbayan sa Davao ang katawhan nga mag-ampo kontra terorismo.
Kini human laing bomba sa usab ang mibusikad sa syudad sa Zamboanga diin kini nahitabo sulod mismo sa mosque sa Sitio Logoy Diutay pasado alas-12:00 sa kadlawon sunod sa unang pagpamomba nga nahitabo sa Jolo Sulu Enero 28.
Sa interbyu sa DXDC RMN Davao kang Davao City Councilor Halila Sudagar, gikanayon niini nga walay ginaila ang terorismo mapa Kristyano man o Muslim gani kinahanglan kanunay magmaigmaton sa palibot ug magtinabangay sa pag-ampo aron masolusyonan ang problema.
“Recently ang victim Christian and now Muslim naman wala talagang kinikilala ang terorismo sana masugpo na,” segun niini.
Kahinumdoman nga kapin 20 ang patay ug gatusan ang naangol sa Jolo samtang duha ang patay ug tulo ang angol sa pagbusikad sa Zamboanga.
Samtang gipaniguro ni Davao City Police Office (DCPO) spokesperson PSI Ma. Teresita Gaspan, dili lang simbahan ang ilang ginatutukan nga mahatagan og seguridad apan ang tanang places of convergence sanglit potential target kini sa mga dautang elemento.
RadyoMaN Jason Amisola
