Davao City- Ang pagkasikop sa liboan ka mga tawo tungod sa paglapas sa Anti-Jaywalking Ordinance buhing saksi sa hugtanon nga pagpatuman sa balaod trapiko sa mga sakop sa City Transport and Traffic Management Office.
Ang ilang pagkadakop dili pwede ibasol sa mga traffic enforcers gumikan kay igo lang sila nagtuman sa ilang trabaho isip tinugyanan sa balaod trapiko.
Sumala ni LTO 11 Director Atty. Gomer Dy, wala magkuwang ang mga enforcers sa pag-edukar ug pagpahinumdom sa tanan mahitungod sa pag-isyu og citation ticket alang sa mga makasupak sa balaod trapiko.
Gikanayon ni Director Dy nga anaa na sa batasan sa mga tawo kung andam ba sila musunod o dili sa mga balaod trapiko ug kini wala sa mga traffic enforcers diha sa pagpatuman sa balaod trapiko.
Gidapit na lamang ni LTO 11 Director Atty. Gomer Dy ang katawhan nga musunod sa simply nga balaod trapiko sama sa Anti-Jaywalking Ordinance kay kini alang man lang sa kaayohan ug kahapsayan sa atong kadalanan.
RadyoMan Joel Viray
