Nasayrang usa ka unknown number ang mitawag sa DXDC RMN Davao nga nagpaila isip pangalan sa sikat nga vlogger ug nangutana kalabot sa donation drive alang sa mga biktima sa kalamidad ug miingon nga sila andam nga muhatag og P10,000.
Aron nga mahatag matud pa via e-wallet (GCash) ang ilang i-donate nga kwarta, kinahanglan nga ihatag kanila ang numero nga ma-text sa imong number nga mao diay ang authentication code o ang One-Time Password (OTP), rason nga nabulabog ang pagpangilad sa caller.
Kanunay nga pahimangno sa mga e-wallet services sama sa GCash nga DILI I-SHARE ang Mobile Banking Personal Identification Number (MPIN) ug OTP tungod kay kini usa ka pangpangilad.
Samtang, ang DXDC RMN Davao mapasalamaton sa mga indibidwal nga adunay kasingkasing sa pagtunol sa ilang hinabang alang sa mga nabiktima sa kalamidad, mapa-cash man o in kind, inay nga mangilad.
Mamahimo usab nga personal nga ipaabot ang tabang sa RMN Broadcast Center nga nahimutang sa Corner Anda ug Bonifacio Streets, Davao City.
RadyoMaN Kirby Manzon
