Publiko gipaigmat sa mga aftershocks subay sa M5.9 quake

Davao City- Nagpadayon ang gilusad nga mga inspeksyon sa nagkaiyang mga Provincial ug City Disaster Risk Reduction and Management Offices sa Davao Region subay sa nahitabong Magnitude 5.9 nga linog.

Sa interbyu sa RMN Davao kang Office of the Civil Defense (OCD) 11 Operations Chief Franz Irag, walay mga major damages ug casualty atol sa pagtay-og tungod usab kay anaa sa Intensity II-V ang ilahang nabatian partikular na sa epicenter ug sa mga silingan nga munisipalidad.

Segun ni Irag, usa sa mga fault lines sa Davao de Oro ang nilihok hinungdan sa maong linog base sa report sa Philippine Institute of Volcanology and Seismology (PHIVOLCS).

Gipaigmat ang katawhan sa mga aftershocks.

Sa latest Earthquake Information sa PHIVOLCS, nakatala og 51 ka nga aftershocks subay sa nahitabong Magnitude 5.9 nga linog diin ang epicenter niini sa New Bataan Davao de Oro.

Nagpatuman og Provincial wide suspension of classes ang Davao de Oro.

RadyoMaN Aimee Guinita