Publiko gipaigmat vs fake links sa SIM registration

Davao City – Nagpahimangno ang National Privacy Commission (NPC) sa publiko batok sa mga nikatag karon sa emails, text messages o bisan makita sa social media nga instructions kung unsaon makaparehistro sa ilang Subscriber Identity Module (SIM) cards.

Nag-warning ang NPC nga dili ihatag ang personal nga impormasyon pinaagi sa emails o text messages o kaha i-click ang unsa mang links/URLs tungod kay kini binuhatan sa scammers.

Matud sa NPC, kinahanglang sundon sa publiko ang official guidelines sa SIM registration nga gikan sa National Telecommunications Commission (NTC), Department of Information and Communications Technology (DICT) ug telecommunication companies.

Una nang giingon sa NTC-XI sa DXDC RMN Davao nga dakong tabang ang maong balaod aron mabatokan ang mga scammer gamit ang SIM.

Sugod karong adlawa, Disyembre 27, 2022 magsuod na ang SIM registration. Ang existing subscribers sa local telecommunication companies gihatagan og hangtud Abril 26, 2023 aron marehistro ang ilang SIM aron malikayan nga kini ma-deactivate.

RadyoMaN Kirby Manzon