[image: IFM 919 Logo (1).jpg]
Nanawagan karon ang Department of Health ngadto sa publiko ilabi na sa Sarangani Province nga dili mahadlok sa pagpabakuna.
Kini ang gihingusgan ni Health Secretary Francisco Duque III og matod sa nahisgutang opisyal sa gobyerno nga garantisado ang mga bakuna sukad pa kaniadto tungod kini mao matod pa ang ginagamit sa mga bata aron malikay sa makamatay nga sakit.
Ang nahitabo matod pa sa Barangay Upper Suyan, Malapatan, Sarangani nga gituohang outbreak sa tipdas may nakalas na nga 20 ka kinabuhi.
Samtang dul-an gatus usab ang naigo sa maong sakit.
Giimbestigahan na sa DOH ang nahisgutang measles outbreak pinaagi sa mga samples nga nakuha gikan sa mga biktima.
Giawhag sa nahisgutang opisyal nga dili ihikaw sa mga ginikanan sa ilang mga anak ang bakuna.
Tungod kay dunay 13 ka mga sakit na mapugngan sa mga bata pinaagi sa mga available nga bakuna sa DOH.
