Davao City – Mamahimo ng mudawat og mga Patients Under Investigation (PUI) sa Coronavirus Disease 2019 (COVID-19) ang mga PUI Centers sa Davao City.
Matud kini ni Mayor Sara Duterte human sa gihimong inspeksyon kagahapon adlawng Huwebes.
“We have Malagos, we have La Vida and ALS, kana siya ang mga ready na, we are now readying Queensland also para sa mga PUIs nga i-refer sa atoa sa SPMC,”
Ang Aternative Learning Center adunay sobra 60 ka mga kwarto, kulang nalang ang pipila ka mga bed sheet, pillow case, motor sa tanke sa tubig.
Samtang pwede na ma-admit ang ma refer sa mga doktor nga PUIs sa La Vida Inn.
Matud ni Mayor Inday non-essential nga mga butang sama sa internet ug intercom na lamang ang kulang sa maong pasilidad.
Aduna nay 28 ka mga PUIS ang na-admit sa Drug Treatment and Rehabilitation Center sa Malagos.
Giandam na usab ang 160 ka mga kwarto nga kabutngan sa PUIs sa Queensland hotel.
Libre ang tanang serbisyong itanyag sa mga pasyente samtang naka-quarantine kini sulod sa maong mga pasilidad.
RadyoMaN Aimee Guinita
